စပါးအသင်းသည် ၂၀၂၃ ခုနှစ်အထိ စာချုပ်သက်တမ်းရှိနေသည့် တောင်ကိုရီးယားတောင်ပံကစားသ မား ဆွန်ဟောင်မင်ကို သက်တမ်းတိုးစာချုပ် ထပ်မံချုပ်ဆိုရန် ပြင်ဆင်နေ ကြောင်း သိရသည်။
စပါးအသင်းသည် တိုက်စစ်မှူး ဟာရီကိန်းကို ယခုနွေရာသီတွင် ဆုံးရှုံးရရန် နီးစပ်နေသောကြောင့် အခြားထိပ်တန်းကစားသမားများကို ဆက်ထိန်းထားနိုင်ရန် ကြိုးပမ်းနေရာ ဆွန်ဟောင်မင်ကို သက်တမ်းတိုးစာချုပ် ထပ်မံချုပ်ဆိုရန် ပြင်ဆင်လာခြင်းဖြစ်ကြောင်း သိရသည်။
စပါးအသင်းအတွက် ခြေစွမ်းပြနေသည့် ဆွန်ဟောင်မင်ကို စောင့်ကြည့်နေသည့် ထိပ်သီးအသင်းများစွာ ရှိနေပြီး ဂျာမန်ထိပ်သီး ဘိုင်ယန်မြူးနစ်အသင်းက ခေါ်ယူရန် စိတ်ဝင်စားနေကြောင်းလည်း သတင်းထွက်ခဲ့ဖူးသည်။
အပြောင်းအရွှေ့ကျွမ်းကျင်သူ ဖာဘရီဇီယိုရိုမာနိုက စပါးအသင်းသည် ဆွန်ဟောင်မင်ကို တန်ဖိုးကြီးမားသည့် သက်တမ်းတိုးစာချုပ်သစ် ချုပ်ဆိုရန် နီးစပ်နေပြီဖြစ်ပြီး မကြာမီ အတည်ပြုနိုင်ဖွယ်ရှိသည်ဟု ဖော်ပြခဲ့သည်။
ဆွန်ဟောင်မင်သည် စပါးအသင်း ချန်ပီယံလိဂ်ဝင်ခွင့်နှင့် လွဲချော်ခဲ့ရသော်လည်း အသင်းပြောင်းရွှေ့ရန် ဆန္ဒမရှိသလို၊ အသင်း၌ နည်းပြ အပြောင်းအလဲ ဖြစ်ပေါ်နေသော်လည်း ရှေ့ဆက်လက်တွဲသွားရန် လိုလားနေကြောင်း သိရသည်။
လက်ရှိအချိန်၌ ၎င်းင်း၏ အေးဂျင့်အသစ်နှင့် စပါးအသင်းတာဝန်ရှိသူများ ဆွေးနွေးနေပြီဖြစ်ပြီး ဆွန်ဟောင်မင်အနေဖြင့် လက်ရှိလစာထက် ပိုမိုမြင့်မားသည့်လစာ ရရှိလာမည်ဟု ဖာဘရီဇီယိုရိုမာနိုက ဆိုထားသည်။
